२०८३ साउन १८, सोमबार
नेपाल आयल निगमद्वारा डिजेल, मट्टीतेल र हवाइ इन्धनको मूल्य वृद्धि
काठमाडौं, वैशाख ३, नेपाल आयल निगमले डिजेल, मट्टीतेल तथा हवाइ इन्धन (आन्तरिक) को मूल्यमा वृद्धि गरेको छ। निगमले बुधबार राति जारी गरेको विज्ञप्तिअनुसार नयाँ मूल्य आज मध्यरातदेखि लागू भएको हो ।
निगमका अनुसार डिजेल र मट्टीतेलको मूल्य प्रतिलिटर ३० रुपैयाँले बढाइएको छ भने हवाइ इन्धन (आन्तरिक) मा प्रतिलिटर ५ रुपैयाँले वृद्धि गरिएको छ ।
नयाँ मूल्यसूचीअनुसार:
डिजेल तथा मट्टीतेल
पहिलो वर्ग: प्रतिलिटर २३४ रुपैयाँ ५० पैसा
दोस्रो वर्ग: प्रतिलिटर २३६ रुपैयाँ
तेस्रो वर्ग: प्रतिलिटर २३७ रुपैयाँ
त्यस्तै, आन्तरिक हवाइ इन्धनको मूल्य प्रतिलिटर २५६ रुपैयाँ कायम गरिएको निगमले जनाएको छ ।
निगमले पेट्रोल र खाना पकाउने एलपी ग्यासको मूल्य भने यथावत् राखिएको स्पष्ट पारेको छ ।
अन्तर्राष्ट्रिय बजारमा पेट्रोलियम पदार्थको मूल्यमा भइरहेको उतारचढावका कारण मूल्य समायोजन गर्नुपरेको निगमको भनाइ छ ।
