२०८३ बैशाख १, मङ्गलबार
नेपाल प्रेस युनियन पर्साको ३४ औं स्थापना दिवसको अवसरमा नारायणी अस्पतालमा फलफूल वितरण
१८ जेठ बीरगंज - नेपाल प्रेस युनियन पर्साले आफ्नो ३४ औं स्थापना दिवसको अवसरमा नारायणी अस्पतालमा उपचाररत बिरामीलाई फलफूल वितरण गरेको छ। यस कार्यक्रममा बिरामीहरूको स्वास्थ्यको कामना गर्दै अस्पतालका विभिन्न वार्डहरूमा-अस्पतालका विभिन्न वार्डहरू(प्रसूति, मेडिसिन, आइसियु, सिसियु, पोष्टअप र सर्जिकल)मा रहेका बिरामीलाई यो सहयोग पुर्याइएको प्रेस युनियन पर्साका अध्यक्ष विजय महतोले जानकारी दिएका छन् ।
कार्यक्रममा प्रमुख अतिथि बिरगंज महानगरपालिकाका उपमेयर इम्तियाज आलम र विशिष्ट अतिथि नेपाली कांग्रेस पर्साका कार्यवाहक सभापति रामनारायण कुर्मीको उपस्थिति रहेको थियो। साथै, प्रेस युनियन पर्साका अध्यक्ष विजय महतो, केन्द्रिय सदस्य श्रीराम रायमाझी, नेपाल पत्रकार महासंघ पर्साका अध्यक्ष ओमप्रकाश खनाल, उपाध्यक्ष क्रान्ति साह, हुकुम सिंह, नुर आलम र नारायणी अस्पतालका वरिष्ठ चिकित्सक डा. उदनारायण सिंह लगायतका व्यक्तिहरूको पनि सहभागिता रहेको थियो।
कार्यक्रमको क्रममा उपमेयर आलमले बिरामीहरूको अवस्था बुझ्दै तत्काल समस्या समाधानका लागि सम्बन्धित निकायलाई निर्देशन दिनुभएको थियो। यस प्रकारका सामाजिक उत्तरदायित्वका कार्यक्रमहरूले समुदायमा सकारात्मक सन्देश पुर्याउने विश्वास गरिएको छ।
यस कार्यक्रमले बिरामीहरूको स्वास्थ्यमा सानो भए पनि सकारात्मक प्रभाव पार्ने विश्वास गरिएको छ। नेपाल प्रेस युनियनको यस प्रकारको सामाजिक उत्तरदायित्वले समुदायमा सकारात्मक सन्देश पुर्याउने अपेक्षा गरिएको छ।
