२०८३ साउन १८, सोमबार
माथिल्लो त्रिशुली–१ जलविद्युत आयोजनाको सुरुङमार्ग अन्तिम चरणमा
कार्तिक ७, रसुवा— निर्माणाधीन २१६ मेगावाट क्षमताको माथिल्लो त्रिशुली–१ जलविद्युत आयोजनाको सुरुङमार्ग निर्माणकार्य अन्तिम चरणमा पुगेको छ । कुल १० किलोमिटर लामो मूख्य सुरुङमार्ग खन्ने काम अब लगभग पूरा हुन लागेको आयोजनाले जनाएको छ ।
विकासकर्ता संस्था नेपाल वाटर एन्ड इनर्जी डेभलपमेन्ट कम्पनी (NWEDC) का अनुसार, सुरुङमार्गको वारपार छेदन (ब्रेकथ्रु) अक्टोबर २५ अर्थात भोलि शनिबारका लागि कार्यतालिका तय गरिएको छ ।
हालसम्म आयोजनाको करिब ७० प्रतिशत भौतिक प्रगति भइसकेको छ । यद्यपि, व्यवसायिक रूपमा विद्युत् उत्पादन सुरु गर्न अझै एक वर्ष समय लाग्ने जनाइएको छ । कम्पनीका अनुसार आयोजना सन् २०२६ डिसेम्बर (२०८३ पुस) सम्ममा पूरा गर्ने लक्ष्य राखिएको छ ।
आयोजनाको विद्युतगृह र बाँध क्षेत्रमा उपकरण जडानको काम सुरु हुने चरणमा छ । बाँधको गेट जडानसँगै सुरुङमा कंक्रिट लाइनिङ (Concrete Lining) मुख्य बाँकी काम रहेको जनाइएको छ ।
६४ करोड ७३ लाख अमेरिकी डलर (करीब ६५ अर्ब रुपैयाँ) estimated लागतमा निर्माण भइरहेको आयोजनामा करिब ४५ करोड ३२ लाख अमेरिकी डलर (५२ अर्ब रुपैयाँ) विदेशी बैंकको ऋण लगानी रहेको छ ।
आयोजनाले आगामी वर्षभित्र परीक्षण उत्पादनको तयारी गर्ने लक्ष्य राखेको छ । जसपछि यो आयोजनाबाट उत्पादित विद्युत् राष्ट्रिय प्रसारण प्रणालीमा जोडिनेछ ।
